---

Geschrieben von ludiol am 20.03.2010 um 10:10:

  Tirages Foto.lu

Ech hu mer mol bei Foto.lu 2 Tiragen 60x40 bestallt, a war wi ech d'Post kruut deck enttäuscht. Waat hätt ech mer och sollen erwaarden. Meng original Tiff Filen haaten iwwer 27mb, den JPG nach 7,5mb a wi d'Bild ropgelueden gin ass nach 1,9 mb. Ech hu geduecht et wier e Fehler vum Programm, mee d'Resultat ass net ze kucken. Pixel a gogo waat jo normal ass bei 1,9 mb op deem Format. Den Site seet mer awer dass Qualitéit gudd ass (gréng).

Waat soll daat ?

Di Posteren sin net ze gebrauchen. Also am Moment kann ech äre Sponsor net rekommandéieren.

Waat ass do schief gelaaff. Si mol gespaant waat foto.lu dozou seet.

An Zukunft gin ech rem a mäin Buttek d'Tiragen bestellen.

Ech hun och um Site geliess Foto.lu wier den Dichter, daat stemmt awer net, well wanns de op legilux gees do stin an den Statuten vun der Gesellschaft ganz aaner Leit.

Schued dass den Dichter net mi zu Diddeleng ass, well deen war gudd.

---

Geschrieben von Steve-29 am 20.03.2010 um 10:22:

 

Salut.

Duerf ech froen wiesou das de dat hei ob den site schreifs?
Hues de schon probeiert bei sie ze telefoneieren? Geif mengen wanns de mat hierer Arbescht net zefridden bas as,wir et vielleicht mei richteg mat hinnen no enger Leisung ze sichen.
Fannen dat eigentwei schued wann sou sachen direkt mussen an een Forum gestallt gin, obwuel das de nach keng Äntwert vun hinnen hues.

Ps. Hun naicht mat Foto.lu ze din, as nemmen sou allgemeng meng Mehnung an well och dech net dommader ungreifen.

---

Geschrieben von ludiol am 20.03.2010 um 10:48:

 

Jo ech hun se kontakteiert awer iwwer email, well ech emmer eppes schreftleches well.
Wanns de op dengem Site dech bretz di bescht Qualitéit zehun an all Tirage nach mol kontrolléiers sou wi se daat schreiwen, dann hätt ech daat dooten net verschéckt. An dann ass et wuel main gudd Recht bessen drock oofzeloossen

---

Geschrieben von mmphotos am 20.03.2010 um 10:58:

 

Salut,

Also just kuerz zu deem: Tiff = 27 mb, jpeg = 7.5
Daat as ganz normal an do dierft een och duerno beim Print neicht gesin wanns de daat propper am Photoshop speichers. Den Tiff as einfach mei grouss well en d Layeren dranhällt an wells de mei eng grouss Bilddeift kans hun an well et net komprimeiert get. Hautesdaachs as dei jpeg compressioun am normalfall awer sougudd dass een ouni Problem een 60 x 40 maachen kann.

Den problem leit also menger meenung no do dass en um site vun 7.5 ob 1.6 mega roofgaang as. Ech verstin och net firwaat en daat mecht an do wär et Ineressant ze wessen waa den Dichter dozou seet (well et as heen deen Foto.lu huet, en haat jo lo oft genuch mam Club ze din ).

Ech denken mer einfach dass hei bei dier iegentwou een klengen Problem war, an wei den Steve schon soot hätt mengen ech een klengen uruff deen ganzen Problem geleist!

Et interesseiert mech awer lo wirklech firwaat en do nach vun 7.5 ob 1.6 komprimeiert gouf, wanns du do eppes gewuer ges, oder wann een aaneren mer do bescheed soen keint wär ganz fein

As emmer gudd ze wessen wann een mol eppes printen well.

---

Geschrieben von Shantideva am 20.03.2010 um 11:29:

 

Ech kann mech do awer och net uschléissen. D'Tiragen fir all meng Ausstellungen sin nach emmer vun him komm. Ech hun heen och schon perséinlech getraff wann ech mol ganz extra Wënsch hat déi heen mir selbstverständlech erfëllt huet. An wann mol eppes net sou war wéi ech mir et virgestallt hun huet heen (also den Här Dichter perséinlech) mir direkt an gratis eng aaner Solution ugebueden. Ech hun des Woch nach een Tirage kritt den fir mech einwandfrei ass.

Ech schecken him emmer meng Dateien an voller Gréisst am sRGB als JPG. Den Site weist och bei mir heinsdo een falschen Wert un. Daat hun ech awer bei him iwerpréift an daat ass och OK sou. Et schengt um Site ze leien. D'Dateien gin net verännert.

Ech hoffen ech konnt mat desem Pefferkär e bessi hellefen well ech immens zefridden sin bei foto.lu an et wuel hei just bei der Kommunikatioun oder soss eppes hängt, awer daat geht ganz secher an d'Reih.

---

Geschrieben von gunman am 20.03.2010 um 12:14:

  RE: Tirages Foto.lu

Also ech mengen déi Aussoen doo kann een net einfach esou hei am Forum stoen lossen, ouni dass et zou enger Klärung vun Seiten vun foto.lu kennt.Ech hoffen do kennt eppes.
Oofgesinn dovun sinn ech awer och der Meenung dass Du emol vier d'éischt mat denen Leit hätts sollen Kontakt ophuelen an klären woudrun et hong.
Einfach esou den " Problem" hei am Forum posten fier emol "Wand" ze maachen fannen ech net gutt.
Meng Meenung
Gunman

---

Geschrieben von ludiol am 20.03.2010 um 13:36:

 

Mir ass et an éischter Hinsiicht dorems gaang hei Hellef ze kréien an net nemmen der op d'Bomm ze kréien. Ech haat alt geduecht an engem Fotosclub wiren d'Leit do fir sech ze hellefen. Mee hei schengt daat jo net den Fall. Mir ass et net drem gaang fir Foto.lu ze diskréditéieren, mee fir eng Léisung ugebueden ze kréien, well vläicht hun jo ech eppes falsch gemaach, respektiv aanere haaten och de Problem. Ech hu mech jo och bei hinnen gemellt a warden op eng Aentwert. Dass déi net direkt ka kommen wees ech och.

Egal wéi d'Léisung ass ech posten och hir Aentwert och wann de Fehler bei mir long, an dann entschellegen ech mech natiirlech och.

Ech hun et och bei aaneren Fotoen probéiert. Den Site weist eng Barre de Progression un, wou en dann d'Bild emberechent (préparéiert, also fir mech klip a kloer nach mol kompriméiert an dann op den Site schéckt.

Ech mengen wann een vun Iech e Problem huet dann léist en och Loft oof, och op engem Forum, oder bei Kollegen, well daat haat ech geduecht hätt een och hei.

Mam Här Dichter war ech souzesoen och emmer zefridden, ech kruut zu Diddeleng emmer alles sou gemeet wéi ech wollt, ech ka jo net dreemen dass Foto.lu Dichter soll sin, wann op legilux aaner leit als associen drastin wi enner Foto Dichter.

---

Geschrieben von Johny am 20.03.2010 um 13:36:

 

Ech fannen coh dass de als éischt häss sollen op eng Äntwert waarden éiers de iergendwéi immens public domat gees. Well iwwerall kann mol eppes schief goen.

foto.lu mécht de Jérome Dichter, ech weess dach mat wem ech ëmmer telefonéieren, wen op eisem Phototalk war asw ...

---

Geschrieben von ludiol am 20.03.2010 um 13:38:

 

un der Kommunikatioun hängt et net ech hun de moien réicht den Mail geschriwwen, mee di Qualitéit do hätt ech als Photoservice net verschéckt.

---

Geschrieben von MarcGerard am 20.03.2010 um 13:45:

 

peace.
ech mengen dass deen der wollt eng opt kopp gin.
mäer wësse just aus erfahrung dass den dichter awer emmer gudd aarbecht leescht. wa mol eppes schief geet, da reklaméiert een.
waard mol op déng äntwert vum jerome, hee kann der secher erkläere wat schief gangen as an helleft der weider vir dass de déng vergréisserunge propper an anstänneg kriss

---

Geschrieben von Laurent76 am 20.03.2010 um 13:50:

 

Salut,

ech lossen meng 40x60 Pousteren vun mengem Meedchen dei ech am ganzen Haus hänken hun och vun Foto.lu maachen an kann nemmen vun excellenten Resultater an super Pousteren beriichten dei Qualiteit vun enger Foto hun.....!

@ludiol
ech haat ganz am Ufank och e puer Problemer do an kann dech an déer Hinsicht berouegen. Normalerweis ass et den Här Dichter selwer deen sech telefonesch bei dir mellt an mat dir zesummen kuckt wou daat Problem hierkennt an och net obget bis et geleist ass...!
An duerno krut ech bis elo nach all meng Fotoen an Pousteren ersaat wou een Problem war....

---

Geschrieben von Steve-29 am 20.03.2010 um 14:08:



@ Ludiol

Dat wäert schon klappen. Wei gesot, hei as keen wou dir eng well op d'Bomm gin. Et kennt halt nemmen sou riwer wei wanns de foto.lu weills schlecht machen. (Och wann dat vielleicht net sou gemengt as)
Sin iwerzeecht du kriss deng Äntwert vun hinnen. Sie sin jo secher och drun interesseiert zefridden Clienten ze hun.
Das sou eng Foto sou rausgeht kann jo och normal sin. Du muss dir bewosst sin das do jidfereen kann Fotoen bestellen. An wann eigenteen Amateur mat sengem Handy eng Foto mecht, an dei gäeren als Poster hät kritt deen dei jo wahrscheinlech och. Sie wessen jo net wien hannert der Foto stecht, an ob dat net sou gewollt oder gewosst war...
An das dir hei keen sou richteg hellefen kann as jo awer och verständlech...
Et gesait jo keen wou den Fehler geschitt as. Wanns de lo zum beispill geschriwen häs das d'Fuerwen net richteg wieren, hät vielleicht een dir den Tip gin das dein Schirm ner kalibreiert as....Mee bei deem do problem..
Mee wei gesot, du wäers bestemmt eng Äntwert kreien.

---

Geschrieben von ludiol am 20.03.2010 um 17:18:

 

No engem klärenden Gespräch mam Här Dichter hu mer den Fehler wahrscheinlech fonnt.
Ech hun alt rem ze schnell geschoss, me bon, ech haat an der läschter nemmen Pesch mat Online Print (Bicher etc..), dann vertraut een kengem méi.

Sou wéi et ausgesäit long den Fehler bei mir, respektiv beim Aperture, well wann een do en Export am JPG oder Tiff mecht an et wielt een Original Grösse ass daat zwar Originalgrösse, me awer just op 72dpi. Daat soll mol een wessen.

Heimatt entschellegen ech mech also bei Foto.lu a beim Här Dichter, a sin lo mol op d'Resultat gespaant

---

Geschrieben von gunman am 20.03.2010 um 18:30:

 

Ma jo dann hoffen mir dass et klappt.
Respekt fier dein fairt Verhaalen nodeems dann elo kloer ass woudrun et wahrscheinlech gehaangen huet.

---

Geschrieben von vitovox am 20.03.2010 um 19:17:

 

Haha... Hun daat awer elo matt vill interessi gelies wäll de Jerome a gudde Kolleeg ass :-)
also maach dir kee Kapp... Ech hun Pousteren an Toilen bei him drécken geloss an d'Resultaat waar emmer iwwert meng Erwaardungen (waar emmer paff).
An ech wees och wei seriö hien seng aarbecht hëllt... Waar scho bei him an hun e gesinn schaffen bis an der nuecht nemmen fir matt zaiten alles fortzeschecken...

---

Geschrieben von ludiol am 20.03.2010 um 19:23:

 

De Problem läit definitif bei Aperture

Beim Export vun dengen Fotoen get Aperture der eng grouss Unzuel vu Méiglechkeeten, wéis de däin Bild wells exportéieren: JPG Originalgrösse, JPG 50% etc. Egal waats de do uwiels d'Obléisung ass emmer vun hinnen aus d'office 72dpi an daat seet den Programm der awer net wanns de net op Bearbeiten kucken gees, waat Blödsinn ass an da kriss de wi ech eng Schäiss Qualitéit, also muss de an der Fenster wous de all d'Méiglechkeeten hues déi Aperture der d'Office ubidd ganz ennen op Bearbeiten goen an do di richteg DPI Zuel (240 oder 300 ) raginn.

Tjo wanns de sou blöd bass wéi ech, an dech op Apple verléiss dass, di Astellungen vun hinnen ok sin, ouni ze kucken dann hues de d'Merde. Lo wees ech et, mee ech hätt mir an dem Här Dichter vill Emerden kennen erspueren. Mir waaren baal eng 20 Minuten um Telefon, bis mer et rausfonnt haaten.

Apple kritt dann elo d'Rechnung :-p. Tjo ech hu jo onbedengt vun Lightroom op Aperture misse wiesselen.

An et deet mer wierklech Leed dass ech hei sou domm gespackt hun :-) Wann ech en dann eng Kéier gesinn, kritt en eng gudd Fläsch Wäin vu mer.

---

Geschrieben von Laurent76 am 20.03.2010 um 19:56:

 

Haat ech der jo geschriwwen, deen rifft dir un an get ereischt dann Rou bis den Problem fond ass.
An du dierfs dech elo wirklech ob deng 40x60 fréen, well dei wärten mat secherheet deng Erwaardungen iwwertreffen....

---

Geschrieben von mmphotos am 21.03.2010 um 09:41:

 

Den Aperture setzt d Fotoen zwar ob 72 dpi, en mecht se awer net mei kleng! Et muss een just duerno am photoshop, wann een se cropt oder ob dei richteg greisst mecht rem ob 300dpi maachen, dann verleiert een guer neihct

---

Geschrieben von Jean-Jos am 22.04.2010 um 20:15:

  s/w-Tiragen

Wou kritt een séier a qualitativ gutt s/w-Tiragen gemacht?
Matt a blénkég, resp. eventuell op Baryt-Pabeier.
Ech brauch d'Format 20*30 cm.
Oder ass d'Qualitéit ok, wann een déi bei engem mache léisst, wou ee normalerweis faawég Fotoe bestellt, fir eise Sponsor nët mam Numm ze nennen?

---

Geschrieben von patrickr am 26.04.2010 um 18:22:

 

An der Dunkelkammer