Hallo! Wëllkomm op photogen. Ech wënschen dir vill Spass hei um Site, vill konstruktiv Kommentarer vun de User zu dénge Fotoen a flott Momenter hei an der Gesellschaft mat motivéierte Fotofrënn.

Nico

Hallo Nico, et freet mech, dat ze liesen! Wéis de konns liesen, sinn ech nach ganz nei bei Photogen an nach e bëssen onbehollef. Mee dank der Hëllef an de Rotschléi vu neie Frënn op Photogen wäert dat sech hoffentlech mat der Zäit änneren.
Ech hunn elo mol méng 2 éischt Fotoën héichgelueden: hat awer vill Problemer domat, weil de Volume vu bal all ménge Biller vill ze grouss ass. A fir drun ze schneiden, dat seet mer näischt. Ech schaffen ni vill u menge Biller: d'Konscht bei enger gudder Foto ass, dass se sëtzt wenn se am Apparat ass! (Méng Meenung nëmmen)
Bis geschwënn, Jang

Salut! Fir d'Fotoen op ënner 1000 k ze kréie, brauchs du jo net dru schneiden ze goen. Du muss just beim Ofspäicheren d'dpi net op 300 mais op 76 rofsetzen an d'maximal Gréisst op, soe mir, 1900 px mol 1900 px (fir 1:1) maximal astellen. An den jpeg net mat maximaler Qualitéit mais mat 75-80% ofspäicheren. Da misst dat klappen.

BG Nico

Merci Nico. Ech versichen dat. A schon eppes bäigeléiert!
Jang